Don chuid ba mhó bhí an samhradh abhus sách Éireannach go dtí seo. Chomh hÉireannach sin gur thugas faoi ndeara go minic go raibh cuma mhuirí ar an spéir ó thaobh chruth agus ghluaiseacht na scamall de agus ó thaobh ghile na goirme de freisin. (An t-athrú aeráide ag imirt a thionchair?) De ghnáth, bíonn spéir mhuirí (mar a thugaim uirthi) le feiceáil amháín i dtuaisceart na Gearmáine ó Hannover aneas, sa taobh seo tíre i lár na mór-roinne is ó spéir dhianghorm de ghnáth a bhíonn an ghrian ag scalladh anuas go neamhthrócaireach i rith an tsamhraidh.
Ar aon nós, is cosúil go bhfuil racht ceart teochta i ndán dúinn i mbliana tar éis an tsaoil mar sna laethanta beaga thosaigh an aimsir ag dul go mór i dteocht. Sa nuachtán ar maidin bhí fiú 38 céim Celsius i réamhaisnéis na haimsire don lá inniu.
Conas atá an aimsir agaibhse?
PS: I ndeireadh thiar ní raibh ach 37 céim Celsius san uasteocht.
23° in Seattle inniu, cé go ndeachaigh an teocht suas go 33° ar feadh dhá lá an tseachtain seo caite. Tonn teasa dúinne! Deir an réamhaisneis go mbeidh Seattle beagán níos fionnuaire faoi dheireadh na seachtaine seo. Beidh mise in Zürich & Bern faoin am sin, mar a mbeidh an aimsir an-chosúil le Seattle, más fíor don Wettervorhersage, ach níos fliche. Fadhb ar bith agam leis sin.
ReplyDeleteTá sé te anseo i láthair na huaire, te dúinne, agus chuala mé daoine ag gearán ar maidin faoi! Cathain a bheas an bháisteach ar ais
ReplyDelete24° i nDún na nGall inniu, gaofar, scamallach, grianmhar; teocht dheas ann, gan bháisteach..:-)
ReplyDeleteAimsir dheas mheasartha agaibh uilig mar sin: bainigí taitneamh as. Mairfidh an tonn teasa abhus go dtí an deireadh seachtaine.
ReplyDelete